「泰國貨品」港創業 泰簡單_Molly’s Place泰國品牌專賣店

導讀：古語有云，識去旅行就一定係去泰國，去完真係返唔到轉頭！又陽光海灘又翟道翟sunday market又多show睇又平又盛！泰國，對唔少香港人嚟講好似有種魔力咁，每年梗要過去幾次，總係令人樂而忘返。甚至，因為呢個方，改寫咗一個人嘅命運，而佢就係今期創業分享嘅主人翁 – Molly’s Place 嘅創辦人Molly Tam！

Molly's Place 簡介

    專賣泰國品牌嘅店舖，舖內有林林總總不同種類嘅泰國貨品，分別有護膚品、手袋、佛像、佛牌等等。

隨心而行的驚喜

   Molly:  喺六年前，當我仲係廿二歲死o靚妹嘅時候，嗰陣喺香港好頹又周圍蒲，搵唔到人生目標，而我一直都好嚮往喺一個充滿陽光與海灘嘅生活，於是就過咗泰國流浪兩年，喺嗰段時間我遇到我老公，開始搵到我自己究竟要乜嘢。

   Molly's Place育成

   Molly: 當初其實完全無開舖嘅念頭，而係喺泰國需要收入維持生計，於是就開始咗做網上商店嘅工作，漸漸儲咗一批客人，然後返到香港嘅時候，因為師傅需要地方見善信(Molly是一名佛教徒)，於是就開設咗Molly's Place。

   香港人雖然經常去泰國，但對泰國產品嘅認識好多都只限於金象米而已。而Molly喺泰國生活咗咁耐，接觸咗好多泰國好用嘅產品，希望可以將呢啲產品推介畀大家。

   Molly: 譬如好似護膚品咁，而家香港會好多人選擇用韓國品牌嘅產品，但其實韓國同香港嘅天氣唔同，韓國天氣好乾，所以護膚品一般較潤。而泰國同香港嘅氣候差唔多，所以其實比較適合香港使用。

 而且泰國人有好多獨特嘅護膚文化，好似防曬爽身粉咁，就令佢哋可以喺一個長期咁曬嘅地方，都仍然保持晶瑩剔透嘅白滑肌膚。(好啱個啲一到夏天就包到自己著咗生化武器防衛衣嘅港女)。

   Molly透露，Molly's Place  開業短短半年，已經做唔住……唔係話佢唔掂做唔到，而係太多客人，店舖太細根本應付唔到，於是就由一個四百呎左右嘅舖位，搬到一個接近一千呎嘅新舖位置。開業短短半年就進行搬遷擴張，直頭同食神嘅爆漿瀨尿牛丸一樣，掂呀！新地址：九龍旺角西洋菜南街74-84號旺角城市中心10樓1005室。

【特別推介】

1、登記成為uppershop樓上舖會員，在特約商鋪消費時出示電子會員卡，即可享用會員獨有的優惠。<登記會員>

2、下載樓上舖App，快速響應你的需求，優惠隨時隨身！開心逛街，輕鬆購物，享受服務，愜意生活！<APP Store，Google play>

3、讃好Facebook專頁，為你提供樓上舖最新資訊、優惠、折扣，分享香港隱世吃喝玩樂好去處。<FB專頁>

4、搜一搜，掃一掃，關注樓上舖官方WeChat微信“uppershophk”，查看更多資訊，更多驚喜！<WeChat官方號uppershophk>