兒童房風水話你知

床位擺放

小朋友床位不可安在橫樑或樓梯下，呢種壓迫感會令佢地無法安睡，容易發噩夢。床位亦不宜放係神位正下方，床頭同床腳唔可以對正房門，床頭周圍唔好放或懸掛大鏡，防止夜間反光驚嚇到佢地。另外睡房地板上不可鋪長毛地毯，會容易滋生細菌，易患支氣管疾病。

居室採光

兒童房採光非常重要，做功課或讀書，都會影響聽視力同健康。對嬰兒而言，光線太光會傷肝，太弱嘅光線會傷肺，所以做父母嘅要格外注意佢地房間嘅採光問題。

色彩選擇

從風水上來講，兒童房裝修風水嘅主色(按小朋友生肖生旺顏色)同配襯色比例約為7比3，咁樣既保證風水要求嘅主色，又唔會係色彩上單調呆板同乏味。而從節約能源、利用自然光嘅角度出發，嬰兒房內色彩以淺色調多啲為宜。

忌戶型不正

兒童房最忌格局不正，尤忌三角形。對小朋友而言，房間係其品行人格成長嘅重要空間，係成長發育期間，每日生活係唔合理空間入面，久而久之會影響到其身心發展。狹窄、唔合理嘅空間，會造成區地人格嘅偏激發展，而寬敞四正嘅空間，會令小朋友開朗活潑。

書枱擺放

小朋友書枱背後同左右不可沖門，亦不可面向或背向廁所。最好唔好背對露台嘅落地窗，背後光強而且係玻璃窗，會令小朋友無安全感，無辦法集中精力。書枱若面向窗，光線不可太強，否則容易心煩。