推介--資訊

【無蚊埋身】夏日防蚊4大招

發表於2017/6/4

夏天又到啦﹗最令人頭痛嘅蚊又出沒了,如果屋企沒有做足防蚊措施的話,小朋友隨時被咬到一遢遢紅點呢﹗

除咗用蚊香同蚊怕水之外,喺屋企有咩方法可以防蚊呢?以下就有4種方法可以一試:

自製天然防蚊用品

近期好多媽媽都會嘗試自己整防蚊磚用嚟驅蟲,用料天然對人體無害,而且又周圍都放得,掂到衫都唔驚添!除咗蚊磚,其實係屋企周圍掛上乾燥的咖啡渣、丁香,或者係配置好嘅中藥包都可以有效防止蚊蟲靠近。

適當位置放驅蚊燈

驅蚊燈原理係以暖色燈光吸引蚊蟲進入,但當佢哋進入照射範圍內,就會暫時失去視覺功能走唔甩。不過驅蚊範圍較小,放喺睡房或廁所這些較細嘅空間會比較好。

電蚊拍追擊入屋蚊

電蚊拍喺香港好似較少人用,不過它其實係最真接有效的殺蚊工具,只要確定好蚊蟲位置,然後開啟電蚊拍,再對準拍落去就可殺死蚊。

使用大型捕蚊器/燈

如果閣下住喺村屋或容易滋生蚊蟲嘅地方,可嘗試擺放較大型的捕蚊器或燈,這些捕蚊器需要放喺距離地面約50cm嘅位置,呢個係蚊子通常飛行嘅高度。此外,要不時轉換擺放位置,還可在捕蚊器內擺放一些醋(可加少許水)或有香味的護膚品,以增加誘蚊的效果。

其實屋企最佳的防蚊方法,首要是唔畀蚊蟲有機會滋生﹗屋企要時刻保持乾爽,仲要定期清理會有積水嘅地方,令到蚊蟲無法產卵的話,咁就無問題啦!

分享到: facebook twitter google+ 新浪微博
UPPERSHOP
可以在這裡找到想要的商舖,也可以通過UPPERSHOP平台免費發佈自己的商舖,推廣商舖的更多優惠及活動信息。
Copyright © 2012-2017 uppershop.hk
樓上舖網絡平台 版權所有 不得轉載
追蹤我們
樓上舖指南