將潮流、生活、文化、音樂、娛樂、購物集於一身的波鞋潮流嘉年華

近年喺香港搞過嘅潮流Event，你記得幾多個？除咗Milk Mart、Sneaker Gig、Sneaker Con之外，好似已經數唔出有幾多個， 雖然香港標榜為多元化社會，但潮流物品喺香港自由經濟市場下，

只係標籤為次文化。如何定義次文化？好簡單，任何缺乏Poten tial Customer支持， 客路太窄而搵唔到大錢嘅事物都可以將佢定義為次文化或非主流， 運動鞋係主流文化，因為係必需品， 限量版潮鞋炒鞋係非主流次文化，因為香港人精甩尾，Opport unity Cost太高就會搵代替品，永遠只有一少撮人追炒價鞋， 到炒鞋供應商增加，又會唔稀罕咁多人擁有而離場。

香港潮流文化難以積聚，因為潮流文化搵唔到食， 潮流紙媒買少見少，市場萎縮，資訊傳播模式改變， 令商業模式都有所改變。資訊轉到網上散播轟炸， 傳統平面廣告資源被分薄，線下Conversion Rate難以追蹤，攞唔到Feedback數據交唔到數，對Ma rketing Team嚟講都係一個障礙，保持適當曝光率就算。 香港市場太細亦都係一個重要因素，連ibank投資者都北望神州 ，消費人數多而成本比香港低，回報和增長有保證， 單是某國際知名波鞋鋪的進軍內地市場計劃， 就批出折合近十億港幣的天文數字。又以I.T為例， 剛公佈的中期業績顯示香港及澳門市場之零售總收入按年下跌11. 2%至14.5億元，反之，中國的零售收入按年升7.3%至16 .4億元，就以上趨勢，斷估你都唔會蠢到接住一把跌緊落嚟嘅刀， 而唔去搭一架升緊上天嘅穿梭機。

中國最大型潮流活動YO’HOOD過去幾年辦得有聲有色（ 今年除外，失去香港團隊的YO’HOOD質素大幅下滑， 仲俾陳冠希新辦的同類型潮流活動Innersect打到落花流水 ，單計卡士都冇得比），有Show睇、有氣氛、有明星睇、 有遊戲玩、有嘢買，完全符合嘉年華成功因素， 波鞋喺活動入面佔咗重要一環，Nike、Jordan Brand、adidas、Reebok、New Balance、Vans、Asics、Puma全部踴躍支持， 另外又有波鞋拍賣、講座、夾鞋機， 依啲全部都係香港市場唔會俾到我哋嘅嘢，再講縱使上次美國Sne aker Con搬到嚟香港，都搞得真心爛， 香港在軟件配套方面真的遠遠比不上，莫講俾錢入場的顧客， 連參展商都話慘不忍睹。

剛在週未舉辦的第二屆美國ComplexCon潮流嘉年華， 規模比中國或其他地方都要大，超過150個品牌參展，包括所有最 Top潮牌，連CLOT都有參與，全因背後鑽石級Committ ee陣容超強大，包括Pharrell、村上隆、Off- White Virgil、Colette Sarah、Will Smith個仔Jaden Smith，試問有邊個唔會俾面玩埋一份， 場內幾乎所有潮流界名人明星聚首一堂，藤原浩亦係嘉賓之一， 再者其中一個焦點就是好多秋冬特別版波鞋都會被安排在場內做Ex clusive或者優先發售，唔去冇話題冇新嘢買， 冇得優先入手，以上嘅誘因都已經足夠促使你約埋班Friend去 打個咭。將潮流、生活、文化、音樂、娛樂、 購物集於一身的嘉年華展覽模式已經發展成為每年一度的潮流界盛事。

反觀香港做的潮流Event，一般都演變成散貨場， 焦點放錯在參展商身上，怕參展商生意唔好冇下次機會， 忽略配套包裝，其實純粹作為一個參觀展覽的人，心態都期待有Sh ow睇有遊戲玩，最好有啲小禮物送，又有啲Souvenir買吓 ，好似去AIA嘉年華輕鬆玩一日咁，如果純粹去Shopping ，咁我不如直接落中環、銅鑼灣、尖沙咀、旺角行吓唔好？ 所以動漫和電玩這一類展覽，在香港反而是最成功， 睇得開心又玩得開心。如果要等香港搞同類型波鞋潮流活動嘅話， 認真可以死咗條心，下年主動買定機票去上海同美國睇Inners ect同ComplexCon，親身感受吓乜嘢先叫潮流Even t，包你大開眼界。 本故事如有雷同實屬對號入座。

來源：網絡