推介--尋寶

樓上手袋概念店

發表於2013/6/29

觀塘區嘅工廠大廈真係有好多令人意想不到嘅驚喜! 繼上次搵到猫Café 之後, 今次又搵到一間「唔似樓上舖」嘅樓上舖! 不如大家睇下下面呢張相先:

Shopforecast店舖圖片

唔講你知的話真係會以為係中環某間名牌手袋專門店. 呢間手袋專門店叫做 Shopforecast, 佔地二千幾呎. 極具時尚設計感嘅裝修, 完全係有名店嘅風範. 店舖入便仲有極具特色嘅裝置藝術. 有邊個會估到佢其實係位於觀塘嘅工業大廈入便, 仲分分鐘可能要搭貨lift 上去嘅!?

眾所周知, 而家啲地舖越炒越貴, 店租嘅地舖租金都講緊以千萬港紙起跳. 正所謂羊毛出自羊身上, 呢啲租金咪又係轉嫁返去消費者身上! 有啲平民化一啲嘅品牌時裝店或者手袋專門店, 為左減低成本, 又好多時都會做啲公式化嘅設計, 將貨就價。

Shopforecast包包

Shopforecast 就係見到呢個情況, 所以專登揀左喺觀塘呢棟外表平平無奇嘅工廠大廈, 開左呢間手袋概念店. Shopforecast 以博物館為主題, 引入左兩隻歐美主打品牌, 分別係Forecast 同埋 Missco Girl. 呢兩款品牌都有獨特嘅風格. Forecast 以時尚, 優雅為主. 適合OL使用. 而Missco Girl 就係以年輕風格為賣點, 玩味重, 功能性強. 呢兩款截然不同嘅風格, 都可以喺呢度一目了然. 相信唔少女士上到去都會俾佢地吸引到.

最重要嘅係 Shopforecast 完全體現左零售業嘅「香港精神」- 就係「價廉物美」! 一個正版嘅名牌手袋, 都係講緊三百幾蚊就買到! 款式絕對唔比一啲大牌子差, 而且更具獨特性格. 所以幾時都話樓上舖就有呢度好, 只要細心咁搵, 好多時都會搵到啲價錢唔貴, 但質素極佳嘅貨品!