別出心裁壽司巡禮

一講起壽司，大家會諗到又新鮮又好味嘅魚生壽司，加上日本人嘅飲食習慣，壽司送上枱嘅時候就已經擺放得整簡潔，簡直係可以當佢係一件藝術品來形容。

之不過除咗傳統嘅壽司之外，有另外一種嘅壽司就會令到你見到會會心微笑，食得開心。

卡通人物壽司

就好似以下以卡通人物為主題嘅壽司，見到佢咁嘅樣都唔捨得咬落去！

另外，一啲以小動物做主題嘅都好可愛。所以唔好話小朋友鍾意大人見到都「愛不釋口」

So cute cute cute😀...love it💖

Sushi😍（@ilovecartoonsushi）分享的貼文 於 2017 年  4月 月 26 9:39上午 PDT 張貼

花卷

花卷，睇上去好靚，好似一束白色花，花蕊係用上蟹籽點綴，睇得又食得。

SUSHI KANDA・寿司神田（@sushi.kanda）分享的貼文 於 2016 年 10月 月 8 8:11下午 PDT 張貼

鯉魚壽司

唔使驚，唔係用鯉魚做壽司。因為師傅非常有創意，將平凡嘅壽司做到一條魚一樣，喵星人見到都想一啖㗳咗佢！

軍艦

呢一個壽司用的食材就冇乜特別，都係一般嘅蟹籽同青瓜，但係師傅諗到一層層做一隻戰艦嘅形狀出嚟都好創新。

辣椒仔壽司

有冇諗過用辣椒做壽司？唔止係咁，上面仲要加辣醬！照推斷，呢個辣辣壽司裏邊係充滿咗芥辣！

壽司果盤

辣壽司真係唔係人人啱，但係生果就唔同喇，大人細路都啱食，個賣相仲好好添。

煙肉壽司

與其話佢係壽司，我覺得佢係一個煙肉卷多啲。但既然師傅有膽量去創新，就算高卡路里都試一件。

流心蛋壽司

呢一件壽司個樣好似早餐咁，直情係Egg Benedict 嘅化身！

佐敦壽司

最後為大家介紹亦都係我最鍾意嘅-波鞋壽司，佢係依照籃球明星米高佐敦波鞋系列第一代個款嚟做，相信呢位師傅係打籃球之人！唔知會唔會做埋其他波鞋系列呢？