樓上ＣＡＦＥ，一黎到就覺知係自家式經營，無論係裝潢，餐具，食物都係，佢午餐不外乎係飯同意粉，比較特別係會送布甸，飲料或者紅綠豆沙。
我叫左個茫果白汁雞扒天使麵賣相比我感覺好似屋企下廚既一樣，同行朋友話樣同味道似茶餐廳，我又覺得未咁差，但味道黎講係有待改善，可取係覺得冇味精，塊雞扒幾嫩滑，但真係幾淡下，同埋用料好普通。

因為佢得兩個人ＬＵＮＣＨ　ＨＯＵＲ係忙得不可開交，好多野送到上黎都係唔夠熱，好食都變唔好食，有加分就係佢個豆腐味布甸，好水但味道唔錯，似牛奶味多Ｄ，綠豆沙唔太甜都過得去。