推介--美食
別出心裁壽司巡禮
發表於2017/10/21
一講起壽司,大家會諗到又新鮮又好味嘅魚生壽司,加上日本人嘅飲食習慣,壽司送上枱嘅時候就已經擺放得整簡潔,簡直係可以當佢係一件藝術品來形容。
之不過除咗傳統嘅壽司之外,有另外一種嘅壽司就會令到你見到會會心微笑,食得開心。
卡通人物壽司
就好似以下以卡通人物為主題嘅壽司,見到佢咁嘅樣都唔捨得咬落去!
另外,一啲以小動物做主題嘅都好可愛。所以唔好話小朋友鍾意大人見到都「愛不釋口」
花卷
花卷,睇上去好靚,好似一束白色花,花蕊係用上蟹籽點綴,睇得又食得。
鯉魚壽司
唔使驚,唔係用鯉魚做壽司。因為師傅非常有創意,將平凡嘅壽司做到一條魚一樣,喵星人見到都想一啖㗳咗佢!
軍艦
呢一個壽司用的食材就冇乜特別,都係一般嘅蟹籽同青瓜,但係師傅諗到一層層做一隻戰艦嘅形狀出嚟都好創新。
辣椒仔壽司
有冇諗過用辣椒做壽司?唔止係咁,上面仲要加辣醬!照推斷,呢個辣辣壽司裏邊係充滿咗芥辣!
壽司果盤
辣壽司真係唔係人人啱,但係生果就唔同喇,大人細路都啱食,個賣相仲好好添。
煙肉壽司
與其話佢係壽司,我覺得佢係一個煙肉卷多啲。但既然師傅有膽量去創新,就算高卡路里都試一件。
流心蛋壽司
呢一件壽司個樣好似早餐咁,直情係Egg Benedict 嘅化身!
佐敦壽司
最後為大家介紹亦都係我最鍾意嘅-波鞋壽司,佢係依照籃球明星米高佐敦波鞋系列第一代個款嚟做,相信呢位師傅係打籃球之人!唔知會唔會做埋其他波鞋系列呢?
-
香港特色甜品舖推薦_灣仔 導讀:說起甜品,大家並不陌生,我們從...
-
香港樓上川菜館_中環川菜 在中國菜系流派代表中有八大菜被眾多人...
-
識食情報 Garrett爆谷店又 想起爆谷自然聯想到各式歡樂體驗。以手...
-
老字號大閘蟹店_九龍城喜 香港特小吃太多了,大家都很熟悉了大街...
-
灣仔西班牙餐館_香港西班 美酒加美食,是一種享受,西班牙的美食...