Mr Fox & Mrs Fox 話你知美食體驗新驚喜！

相信去開鰂魚涌或喺附近返工嘅朋友，對Mr & Mrs Fox呢間三層高，集酒吧與扒房於一身嘅餐廳都唔會陌生。早排見佢哋裝修咗一段時間，係咪想知有咩新搞作？而家就等我Dining娜話你，裝修後嘅新菜式推介，仲有咩視覺同味覺新體驗啦～

新設計新感覺

餐廳名符其實，環境設計及菜式都以Mr Fox 與 Mrs Fox作主題，當中仲包含童話及復古元素。度身定製傢俱同擺設都由木及黃銅等材質打造，木製環境及伕喺香港呢個石屎森林入面，令人大有放鬆嘅感覺，難怪餐廳咁受歡迎！

三個樓層分別各有不同特式：

地下「Mrs Fox」 – 主打雞尾酒等酒類，及各種小食供小酌幾杯。

一樓「Mr Fox」 – 提供海鮮供牛扒等主菜，份量同質量並重，性格比相當高。

二樓「Den」- 為早餐聚會或小型會議而設， 當中大門需要按下鋼琴鍵打開！

你以為影完環境相之後，你就可以放低手機慢慢食飯？影相打卡位仲有佢！就係呢隻1:1嘅木製狐狸，佢只會乖乖企埋一邊任你影，所以唔使驚呀！

新精選招牌主菜

新主菜係由行政總廚David Parkin精心設計，菜式糅合現代同傳統烹飪精髓，由海鮮、牛扒、不同熟食至甜品一樣有！喺餐廳咁別緻優雅嘅環境享用，味道自然有加持啦！

肩肉係指牛嘅肩膀同脖部分嘅肉，脂肪較少，而肉質都相對幼嫩，加上本身和牛濃郁嘅肉味，香甜味美！配埋外層香脆，內層鬆軟嘅三重焗製手切薯條，冇得頂！

海鮮拼盤提供兩款份量選擇，當中包括時令生蠔、加拿大蟹腳、象拔蚌、魚生、青口及鮮蝦等等，款式多又大份，抵食之選！

肥厚潤油甘香嘅鵝肝製成製成嘅凍批，配上鬆脆嘅包上，味道有層次仲非常有口感！

鱸魚本身肉質細嫩，較少腥味，經紙包好後煙燻可以保持本身嘅鮮甜味，仲吸收晒香甜嘅牛油汁同青豆嘅味道，拆紙時香味同白煙出晒嚟！好睇又好食！

牛魔王注意！鍾意食牛嘅你一定唔可以錯過，澳洲M5+和牛油脂分佈均衡，肉汁味濃，肉質幼嫩得嚟又有咬口，斧頭扒更係肉眼部位中最靚，1.2kg份量可以開心share！

完美嘅一餐點可以錯過甜品！火焰雪山遠遠已經可以吸引到大家注意，而且散發濃烈酒香，入口軟綿之餘仲有陣透心涼嘅感覺，夠晒清爽鮮甜！

Mr & Mrs Fox
地址：香港鰂魚涌糖廠街 23 號